【股市脈搏】睇實諾輝係咪績後回購撐價

【Now財經台】諾輝健康(06606)股價連跌第3日，今日平開後，跌幅不斷擴大，並由頭跌到尾，一度瀉近20%，低位險守20元，收市報20.35元，挫逾18%，全日成交金額近4.8億元。

早前，諾輝健康發盈喜，但股價先高後低，更連開幾支陰燭，公司曾喺低位宣布擬回購最多約4500萬股，但股價升完又跌返落嚟。

諾輝健康股價失守25元支持位及牛熊線後，技術走勢明顯轉弱，投資者要留意8月中出業績後，公司係咪開始回購支持股價。