【股市脈搏】深國唔敢講盈利有幾少？

【Now財經台】盈警股深圳國際(00152)今朝低開逾3%後，跌幅擴大，低見6.36元，其後股價續於低位徘徊，深國今朝沽壓唔細，成交股數較過去100日同時段平均大增約90%，今朝一跌，一舉失守50天、100天、250天線，跌穿所有移動平均線，14天RSI落到32水平，接近超買，暫時支持位睇5月低位，即6元水平。

公司預告業績差，盈利最少係近10年最差，但冇畀實際數字，到真正出業績時，投資者要留意財務成本蠶食咗幾多盈利，不過，股價咁跌法，除咗唔滿意業績，亦要留意公司有冇融資壓力。