【股市脈搏】睇實生力啤做唔做得返「蚊股」

【Now財經台】香港生力啤(00236)噚晚出咗中期業績，上半年多賺近10倍，但唔派中期息，股價今朝裂口高開14%，升幅一度大幅收窄至近6%，但之後再度發力，曾勁升逾34%，高見0.9元，生力啤平日交投疏落，但今日成交金額約200萬元，成交股數較過去100日同時段平均飆110倍。

生力啤今日衝上11個月高位，上下影線都幾長，反映好淡角力，由於收入及純利都多過新冠疫情爆發前，短線要留意股價可唔可以重返「蚊股」行列，不過，業績提及會繼續重奪香港及華南地區市佔率，不過，品牌老化問題或會拖住業績後腿。