【專家分析】福耀玻璃吼42元入場

【Now財經台】福耀玻璃(03606)第1季業績昨晚(25日)出爐，純利升51.7%，賺13.8億元人民幣，收入88.3億元人民幣，升25.2%，而成本為70.4億元人民幣，呢份成績表又收唔收貨？現時汽車行業需求下行，作為原材料嘅福耀玻璃，市場擔唔擔心行業環境拖累公司收入？福耀玻璃今日(26日)股價見逾2年半高位，投資者應該點樣部署？

註冊財務策劃師協會會長黃敏碩指，雖然福耀玻璃按季業績要跌，但公司純利仍有增長，加上當內地經濟活動好轉時亦有機會受惠，始終福耀玻璃係全國性業務，喺內地有一定市佔率，預計公司未來被壓價嘅壓力唔大，若福耀玻璃能兼顧傳統汽車及新能源汽車市場，維持目前市佔率，就有條件穩步向上。

Michael又話，福耀玻璃嘅升勢較難估計，但建議有貨嘅投資者可以揸住先，若冇貨嘅話可以考慮約42元價位入場。