【專家分析】Alphabet繼續睇升
【分析】 2024/04/26 11:55
【Now財經台】美股繼續處於業績期,Alphabet原先股價都係跌住收市,但出咗業績後,盤後升逾10%,收入和純利都有正面升幅,業務方面,無論廣告收入、服務收入、雲服務收入數據都好過預期,係咪可以支持Alphabet股價繼續創新高?
博威環球證券金融首席分析師聶振邦指,呢啲數據的確係可以帶動Alphabet股價表現,而相對比較驚喜嘅就係派息方面,首次派息亦反映現金流比較強,加上回購亦見財政狀況良好,市場樂觀情緒升溫,所以今晚可以延續盤後升勢嘅機會較大。
雖然數據令人滿意,但人工智能(AI)熱潮之下,Alphabet又好似冇乜亮點,市場又點睇?
聶sir話,Alphabet嘅焦點未必喺AI,因為都見到有唔少其他利好因素,市場關注點並無落係AI身上,但本身Alphabet客戶基數大,即使出咗AI服務之後,相信亦會有唔少用戶去使用,前景目前仍然樂觀。
聶振邦 博威環球資產管理金融首席分析師 |