【專家分析】解構友邦股價7連跌「死因」
【分析】 2024/04/16 17:52
【Now財經台】美國保險股強勢,反觀主攻亞太區市場嘅友邦保險(01299),同埋一眾內險股持續弱勢,其中,友邦股價已連跌7個交易日,今日(16日)再創52周新低,仲跌穿埋疫情時低位,相對強弱指標(RSI)亦低過當年兼極度超賣,點解友邦股價會跌到咁?
華盛證券財富管理部董事李偉傑表示,內地收緊監管政策對保險業有長遠影響,其實唔止監管因素,友邦股價喺出完業績後,跌勢顯著加劇,大行及外資對持續性新增業務價值投放嘅睇法比較悲觀,觸發友邦新一輪跌勢,亦缺乏反彈動力及契機,而集團回購規模遠少過之前,除非集團未來提高回購金額,挽救投資者及市場對友邦嘅信心,股價先有機會有起色。
李偉傑 獨立股評人 |