【Now財經台】美團(03690)中期業績後步入弱勢，逐步失守整數關，11月底季績後跌到落100元水平，今日(19日)更失守80元，美團股價會唔會繼續尋底？
英皇資本財富管理方案研究總監陳錦興指，美團股價不斷尋底，主要係市場一直殺估值，經調整後嘅預測市盈率(PE)跌到落十幾倍，管理層對第4季指引保守，預期收入放緩，行業競爭情況淡，尤其係到店業務，所以需要好高成本投入，包括廣告及補貼開支。
Stanley又話，市場擔心新業務虧損收窄時間會唔會加快，種種因素令市場喺業績後調低美團盈利預測、目標價及估值水平，依家一直測試估值支持力，預料跌穿80元會進一步下跌，不過，喺估值上開始會有強力支持，雖然外賣業務有不明朗因數，但規模及競爭能力仍然值得信賴，只係市場會有少少擔心到店業務方面，抖音、快手(01024)對美團嘅挑戰。
