【Now財經台】科技股業績期下星期就會展開，其中，騰訊控股(00700)將會喺月中出業績，花旗已搶閘下調目標價，由506元降至491元，花旗估計，騰訊第2季遊戲業務收入會季節性轉弱，不過，預期互聯網廣告收入及視頻號穩健增長，內地經濟喺第1季衝高過，但第2季增長動力減弱，騰訊期內廣告收入係咪都好難有理想表現？
南華金融集團高級分析師莫灝楠指，廣告收入同實體收經濟相關性較多，廣告收入可能係其中一個復甦環節，反而比較擔心遊戲增值服務，因為騰訊近排好少新Game出，反觀網易(09999)就一次過有3、4款爆款大作，網易股價近期強勢，正正係憧憬遊戲業務有較大貢獻，但騰訊不停「炒冷飯」、「食老本」，今時今日仲講《王者榮耀》呢類出咗成10年嘅Game，事實上唔少人已經玩厭咗，對公司估值提升作用唔會好大，未來最重係要推出爆款Game去刺激股價。
