【專家分析】等時代天使跌返落嚟再入手

【Now財經台】時代天使(06699)昨日(8月31日)派咗上半年成績表，收入按年增長40%，純利就按年增長86%，除咗派中期息，亦有派特別息，合共派4.57港元，時代天使股價今日(1日)一度大升近10%，迫近100元關口，係咪因為派息吸引？但依家預測市盈率(PE)約70倍，仲追唔追得過？

元宇證券證監會持牌人士李偉傑指，主要係派特別息，金額亦相當唔錯，但特別息唔係恆常派發，所以下次情況未必一樣，所以持貨嘅投資者，或被今次股息吸引而想入市，都要自己衡量返，時代天使派息比率一直維持約30%，算係唔錯。

Jason又指，時代天使股價仲有冇上衝能力，市場對業績表現嘅即時反應，其實喺績後頭兩日好快就會消化，不過，始終公司業務有明顯改善，同埋毛利率一直維持偏高水平，預期股價有機會穩步向上，值得留意係，因為剛剛有超大額成交，加上技術上出咗大陽燭，所以短期調整壓力會偏大，投資者可以考慮喺股價沉底後再考慮入手。