【FINTERVIEW】港股6月開局好因為...(下)

【Now財經台】港股6月開局暫時唔錯，恒生指數今早(5日)一度高見23911點，升逾1%，喺市況向好下，有邊啲主題較當炒？

金馬資本管理高級交易策略師蘇沛豐指，依家港股冇明顯嘅領袖板塊，原本高Beta值嘅增長股、科技股普遍跑輸大市，所以恒指今輪反彈係令人意外。佢補充，雖然有個別股份如網易(09999)持續破頂，不過，現時科指仍低於年初高位，反映環球風險胃納回升緊，外圍股市好多時由增長股帶住個市上。

Daniel續指，港股情況唔同，唔係一面倒咁升去追逐增長股，例如中國移動(00941)呢啲防守股都破緊頂，另一方面，當投資者審慎部署，或外國投資者之前低配A股及港股，近期就多咗資金流向美股以外嘅市場，例如歐洲及新興市場，包括A股及港股，因此，佢認為港股係整體配置，冇特別追逐個別主題。