【財經TOP SEARCH】藥明系有冇炒錯關稅禁令？

【Now財經台】截至早上11時止，過去1小時內《彭博》用戶搜尋量最多港股，依次為藥明生物(02269)、新世界發展(00017)、港交所(00388)、金山軟件(03888)及新奧能源(02688)。

美國總統特朗普(Donald Trump)4月2日公布嘅關稅措施，被美國國際貿易法院(Court of International Trade)裁定越權，禁止有關措施生效，特朗普政府已提出上訴。市場似乎對推倒關稅有期望，之前受特朗普政策困擾嘅股份，例如藥明系今日(29日)都有好表現，但藥明系係咪真係可以受惠？還是市場興奮得太早？

椽盛資本投資總監曾永堅指，市場對特朗普政府會因法院嘅介入及裁決，因而撤銷關稅係有憧憬，佢認為，即使特朗普最終敗訴，亦唔會輕易讓步，一定會用其他方式繼續推進關稅。

Jasper又指，過去2、3個星期有資金流入藥股及生物科技股，藥明係其中之一，集團不論規模、創新能力都係呢個板塊數一數二，但股價已累積咗一定升幅，佢認為，現價已經反映咗關稅相關因素，除咗關稅，市場依家觀望緊有冇其他針對內地藥企嘅措施。