【輪證贏家】港交牛借小時圖10/20線企好

【now.com財經】話咁快又嚟到5月最後一個星期，還看暫時恒指5月份嘅表現，一啲都唔窮咁六絕同七翻身「按傳統」今年就未必有啦。

仲有大約1分鐘正式開市，我自己個Stock list裡面，除咗SPDR金ETF(02840)同Popmark(09992)之外，無隻著綠燈；好彩上個星期五嘅BYD(01211)即日食完啫，帶過夜呢啲都係麻煩。

今朝指數低開95點之後，及至正式開市指數向下穿過23,500點，換個小時圖見50線今朝開市嗰口價已經無咗，作戰室見指數下行亦率先借嚟做上方量度線先；5分鐘後見指數再落，咦?!開埋個日線圖出嚟見指數連10天線都穿，而日線上嘅Slow STC(14.3)兩線都有見觸觸頂向下，不過之後指數喺23,500附近徘徊，唉，我都係唔捉條10天線住先啦。

「但小時圖條50線確認穿過，咁樣出淡倉有無計呢?!」絕對有因為作戰室就係咁玩緊，不過，要小心 嘅係Slow STC(14.3)未到10點時已經有見兩線落到去超賣位，所以如果依家(出文再到你睇完文之後)先嚟追Slow STC(14.3)Swing向下的話，小心撞正水尾。

10點見喺小時圖上已經見Slow STC(14.3)轉返向上，既然係咁不如又向個股出發。

借返小時圖嚟睇嘅話，其實炒輪搵underlying嘅來來去去都係嗰幾味，港交所(00388)喺小時圖上見10/20線重疊，而股價站時亦都企得住喺兩線之上，Slow STC(14.3)兩線一早已經兜咗底上去，好靚嘅一個開好倉樣，係咪?!

但兩件事要留意嘅，第一，頂線391元畫得到；第二，目前保歷加通道口有見收窄。

如果股價企得到喺保歷加「上升通道」裡面嘅話，咁港交牛(56764)，收回價377元，同現價有約13.8元距離，市場上第二高槓桿牛證，做Day Trade嚟講都已經足夠。

作者阿珊，以技術分析專心玩輪證，唔貪心，努力賺取我家肥貓罐罐。

直接去Patreon七日免費試用即市作戰教室://www.patreon.com/join/cbbcwar

資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。