【輪證贏家】借小時圖50線出恒指牛

【now.com財經】呢期個市都係跟關稅嘅消息走，政治市之下如上週所指，資金泊入避風港避難，Hold Cash以待市況明朗之後銀彈即出又得；想繼續有隻腳趾掂住個市嘅，亦都可以行埋去金債暱埋一陣，上個星期玩SPDR金ETF(02840)就係咁解。

Weekend嘅時侯先至有消息出話豁免半導體、智慧型手機、電腦和其他電子產品嘅關稅，不過今朝阿Trump否認兼將會對呢類產品另立關稅處理，On top加埋藥品上去，可能大家都已經對「加關稅」呢單嘢都有少少麻目，甚至乎係「你喜啦」。

應該係因為前景比天文台話呢兩日香港嘅空氣污染還要差，所以已經有大行將金價「極端目標價」推到上每盎司4500美金；好彩甥生女話死都唔嫁啫...

依家仲有1分鐘先至完U，不過見期貨都升緊500幾點，部份戰友已經已經開波玩緊期指。及至恒指開市，指數升449點，報21,363點，二話不說的將第一層熊證街貨全數收回。

開咗市大約18分鐘，作戰室先淡後好都已經爬完，小時圖上見指數今日裂口高開至彈上接近50線之後，暫時未見有向上再走，同步亦貼住保歷加通道頂線運行，Slow STC(14.3)兩線有保持向上，指數的確係有條件再向上行，反正Slow STC(14.3)嘅超買位都只係啱啱上到80；問題在在於條50線企唔企得返上去。

10點後見指數終於向上高走並破小時圖50線，恒指牛(62937)，收回價20404點，同現價有近1000點差距已經係市場上最貼價嘅牛證，槓桿有約21.72倍屬偏高，低街貨亦係吸引之處。

希望你睇完文之後小時圖條50線仍然守得住啦，因為守得住先至好出呀！

作者阿珊，以技術分析專心玩輪證，唔貪心，努力賺取我家肥貓罐罐。

想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar