【輪證贏家】S金Call暫有7格落袋

【now.com財經】噚日睇咗隻SPDR金ETF(02840)，兼揀埋隻S金Call(28625)出嚟，平均買入價為0.16元，Set住以日線圖10線企好+小時圖博Slow STC(14.3)上返超買嚟做呢一趟Swing，所以呢一注貨係過夜嘅；BTW出Call過夜都安全嘅。

今朝起身啲新聞未碌到去財經，但開返個作戰室就見到戰友留低咗句「哇股災吖」，再睇ADR見跌500點，係有戰友部咗淡倉都差不多一個星期，終於都收成。

而噚日隻(28625)我相信今日都可以收成，依家9點8分見U盤隻(02840)升39蚊，當然依家只係「勁假時段」，一切都係等正式開市。

恒指今朝開跌625點，報22,716點，如同噚日喺電台節目所講，目前恒指沿住保歷加頂線同10線之間運行，即使指數向下落600幾至700點踩返去10線，但只要10線守得住指數而比佢重新再上過嘅話，基本上恒指「沿住保歷加頂線同10線之間運行」呢個形態都係未被破壞。

作戰室過夜淡倉執完，即市好倉捉低開高走亦都完成，依家9點46分，指數目前喺22,900點前少少扭擰中。但喺9點50分打後開始見指數終於肯過，而整個五分鐘圖開始變成觸底向上嘅Swing Trade上，作戰室繼續掟好倉快爬格仔。

至於隻(02840)見10點後小時圖都仲企住喺五條主要平均線之上，而Slow STC(14.3)兩線出觸底向上嘅情況亦都行得好穩。

日線圖方面，10天線仍然借得到，雖然貪心少少可以睇返住之前高位2120元，不過見今日(28625)輪價做緊0.167元，比噚日都有7格落肚，數住格仔倉當然可以；或者出風箏策略，即係沽出部份(28625)以當收回成本，再留住部份(28625)博見2120元。

作者阿珊，以技術分析專心玩輪證，唔貪心，努力賺取我家肥貓罐罐。

想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar