我的股票

    名稱 現價 升跌

    資料報價延遲十五分鐘

    【專家分析】潤電火電業務今年有救?

    【公用事業】 2023/05/29 16:34

    【Now財經台】華潤電力(00836)將於下周「染藍」,今日升近5%,集團去年多賺逾2倍,可再生能源核心利潤逾86億人仔,但火電業務蝕逾25億人仔,今年有冇機會扭虧?預期利潤有改善下,加上「染藍」因素,股價有冇機會升穿19元?

    元宇證券基金投資總監林嘉麒指,潤電股價短期有一定催化劑,入藍籌會吸引被動資金追入,雖然規模唔會太大,但氣氛搭夠,其次係去年火電業務表現非常差,今年煤炭平均價格按年都要跌,變相虧損嘅情況,甚至錄得盈利嘅機會又再大啲,佢估計,按年將錄得唔錯嘅升幅。

    不過,KK提醒,如果用電量唔係特別高,就算煤炭價格跌,利潤都唔會有太大改善,呢方面就要留意經濟數據。

    股價方面,林嘉麒認為,潤電股價某程度上由新能源帶動,暫時趨勢樂觀、前景明朗,但股價係咪已反映咗部分利好因素,而未來內地嘅經濟壓力會唔會影響股價,呢啲都要小心。

    林嘉麒
    宏匯資產管理董事及投資策略總監
    想睇更多財經消息

    相關股票

    編號名稱
    00836華潤電力