【財經TOP SEARCH】中移業績冇亮點回套合理

【Now財經台】截至早上11時止，1小時內《彭博》用戶關注度上升最多港股，依次為騰訊控股(00700)、聯想集團(00992)、美團(03690)、中國移動(00941)及碧桂園(02007)。

中移動噚日公布全年業績，派息比率升至67%，但末期息減少，實際派息金額按年少咗，中移動股價績後回套，一度插2.7%，但半日跌幅收窄至近2%，報62.35元。

大華繼顯執行董事梁偉源指，3隻中資電訊股今年跑贏恒指唔少，加上中移動業績冇驚喜，績後有回套壓力係合理。

Steven又提到，集團除咗傳統業務冇乜亮點，5G業務滲透率似乎亦差唔多到頂，股價已跌到20天線水平，短期企唔企得穩，要視乎集團提出嘅「產業數碼化」業務發展方向係點。