我的股票

    名稱 現價 升跌

    資料報價延遲十五分鐘

    【專家分析】呢2隻有花旗「加持」藍籌抵買

    【���������】 2022/10/05 16:08

    【Now財經台】花旗報告指,73隻藍籌中,有6隻股價低過2009年3月底時,即金融海嘯後低谷水平,包括中國石油股份(00857)、中國移動(00941)、中國聯通(00762)、電能實業(00006)、中國人壽(02628)及恒隆地產(00101),而每股盈利(EPS)預測中,表現最突出係能源板塊,估計升近41%。

    英皇證券研究部總監陳錦興表示,6隻股份中較睇好能源股中石油及高息股中移動,除咗EPS預測突出,中海油亦有短線有利好因素,市傳今晚OPEC+會議或會傾11月每日減產最多200萬桶石油,即係之前傳聞嘅2倍,加上中海油現時估值低,若配合第4季內地經濟回暖,相信股價可以跟隨油價向上。

    中移動方面,Stanley話較同樣係高息股嘅聯通、電能穩陣,因為盈利透明度較高,派息比率又不斷增加。佢又指,聯通業績唔突出,喺同業間冇咩競爭優勢,而電能股價近期有得升係受惠於英鎊因素,認為2隻股份派息前景冇中移動咁明朗。

     

    陳錦興
    英皇證券研究部總監
    想睇更多財經消息