我的股票

    名稱 現價 升跌

    資料報價延遲十五分鐘

    【財經TOP SEARCH】萬科「後台」硬唔怕內房爆煲

    【���������】 2022/09/29 13:10

    【Now財經台】截至早上11時止,1小時內《彭博》用戶關注度上升最多港股,依次為萬科企業(02202)、旭輝控股集團(00884)、旭輝永升服務(01995)、中國神華(01088)、小米集團(01810)。

    萬科企業旗下萬物雲(02602)今日首掛,股價「潛水」,雖然估值較去年底已經大縮水,但可能有投資者覺得貴,加上首掛撞正旭輝急挫,再惹嚟投資者對內房債務嘅疑慮,似乎萬物雲首掛「破發」係無可避免,不過,萬科A股大股東係有國資委背景嘅深圳市地鐵集團,其實投資者係咪唔需要太擔心萬科前景?

    椽盛資本投資總監曾永堅指,近日IPO市場整體氛圍,尤其集資額及市值有一定規模嘅股份,難免遇到上市後喺二手市場缺乏承接嘅情況,雖然萬物雲估值曾大幅調整,但市場始終關注內房危機似乎有再發酵跡象,加快內房未來出現螺旋式下跌,繼而影響內房銷售、物管業務增長,亦係困擾萬物雲股價嘅因素。

    Jasper補充,睇返萬科股東結構、背景等,即使未來內房真係爆煲,公司都不至於會倒閉或破產,因此,萬科股價喺一眾內房中仍比較硬淨。

    想睇更多財經消息