【專家分析】東瀛遊炒到水尾追唔過

【Now財經台】政府星期二放風話有調整入境檢疫安排空間，而噚日日本首相岸田文雄喺美國宣布，日本會喺10月11日起恢復免簽證自由行，再度政府今日下晝正式公布檢疫措施鬆綁，通關概念股期間表現硬淨，其中國泰航空(00293)、東瀛遊(06882)股價已重返2020年疫情爆發時，甚至疫前水平，相關利好因素係咪已提前反映晒？依家先追入仲值值博？

獨立股評人莫灝楠指，東瀛遊本身市值好細，依家炒到上1元，但市值只得5億元左右，雖然依家走勢十分強勁，亦有機會升到1.2元至1.3元，但股價始終已升咗好多，更重要係市值細，成交可能會比較飄忽，依家追入值博空間唔大，亦已經太遲，因為現價已經反映所有利好因素，唔排除稍後會掉頭向下，依家追入有好大風險。