【槓桿致勝】騰訊CALL輪點部署?

【Now財經台】騰訊控股(00700)今日公布業績，市場焦點可能落係究竟係咪減持美團(03690)一事上，騰訊股價今早跌穿300元，投資者就算入好倉係咪都偏向審慎？

瑞士銀行亞洲股票衍生產品銷售部李梓維話，之前騰訊股價在低位時有投資者買入博業績，但噚日美團急跌，騰訊反而升至303元收市，令部分資金先行獲利；認為騰訊股價今日回落至300元樓下，並非反映市場唔睇好騰訊業績。

Alvin指出，較多資金部署騰訊好倉，亦有部分揀牛證避開引伸波幅，估計佢業績後有機會回調，CALL輪部署會揀較長身，如12月至明年1月到期，行使價380元至390元左右的。