我的股票

    名稱 現價 升跌

    資料報價延遲十五分鐘

    【名家給力場】食息族揀太古還是港鐵?(上)

    【綜合企業】 2022/08/12 15:49

    【Now財經台】兩隻收息股太古(00019)及港鐵公司(00066)噚日都出咗業績,但股價表現差天共地,太古中期轉賺之餘,A股派中期息1.15元,更拋出40億元回購計劃,刺激股價兩日累升近20%,港鐵中期就多賺78%,派息更加碼68%,但股價今日暫時最多升唔夠2%。

    勝利瑞柏基金管理合伙人暨投資總監陳建良指,近期港股行上落市,令投資者轉為追捧太古呢類肯派息嘅低估值股,依家太古A股息率高達6厘,高盛嘅報告指,太古明年預測市盈率(PE)僅8倍。

    KL又話,隨著本地防疫政策略為鬆綁,投資者更看重復甦概念,太古旗下商場及寫字樓都跟通關有關,國泰航空(00293)亦預期,下半年將錄得正現金流,反映集團有多項高質素資產支撐股價表現。

    至於港鐵車務業務上半年因疫情反彈蝕逾27億元,純利大升係靠物業發展業務收入帶動,KL認為,港鐵業績表現穩定,但股息率僅約3厘,PE達20倍以上,所以喺股民心中必定大打折扣。

    陳建良
    勝利瑞柏基金管理合伙人暨投資總監
    想睇更多財經消息