【財經TOP SEARCH】太古冇貨追唔追得過？

【Now財經台】截至早上11時止，1小時內《彭博》用戶關注度上升最多港股，依次為太古集團(00019)、華能國際(00902)、小米集團(01810)、中國生物製藥(01177)、龍湖集團(00960)。

太古噚日出完業績後，股價升唔停，市場一定係睇住40億元嘅「A+B」回購計劃，太古噚日、今日都係大棍升上去，依家14天RSI迫近80，有幾間大行都上調咗目標價，吸引力真係咁大？

大華繼顯執行董事梁偉源指，太古呢兩日大升，反映資金揾唔到股份炒，所以吼派息較多或回購規模較大嘅股份，估計暫時仍會受短線資金追捧，但要留意太古嘅股價已經由46元升到53元，估計唔會有好多中線資金追入，佢又提醒，睇返中國移動(00941)及阿里巴巴(09988)公布回購消息時，對股價嘅刺激作用都唔會太耐。

梁偉源續指，睇返太古業績，基本因素的確有改善，估計地產及航空業務隨著疫情受控將會好轉。