我的股票

    名稱 現價 升跌

    資料報價延遲十五分鐘

    【輪證下半Part】中移牛街貨多

    【電訊業】 2022/07/04 14:36

    【now.com財經】今朝個天都仲係暗暗的,雨就未見有,但風的確好大,走廊嘅玻璃窗唔知係被其他硬物飛中而碎裂,還是佢自己啪埋後爆開,我只係知道,呢隻窗都唔係第一次爛。

    今朝揀咗隻恒指熊(56661)出嚟,諗住見到五分鐘圖恒指再被保歷加通道中軸頂住上唔到之後就出場。結果當然等唔到啦,指數喺11點幾時再次靠近保歷加通道中軸,不過指數已二話不說地向上突破,(56661)出唔到,但又唔等於可以即時反手好倉喎,皆因指數重上保歷加上通道後出現橫行情況,坦白講作戰室都被大市橫行咗一個鐘就悶足一個鐘,唯有繼續廢話水解解悶嘅同時,等指數比返個明確嘅指引出嚟。

    午前見指數喺五分鐘圖上仲Keep得住企喺保歷加上升通道,午後返嚟見指數抽高,但力度都真係欠奉。

    指數無得玩,唯有向個股出發,其實一直有隻個股放喺心裡面好幾日,同時都等咗佢好一陣子,到依家雖然未見明顯轉勢,但都成氣侯咁滯,就係隻中國移動(00941)。

    年初時大家對中移同滙控(00005)兩隻價位差唔多嘅藍籌股日日高呼衝上60元,但可惜最後兩者都未見6字頭就向下回落,滙控於日線圖上,行出「大型三角形」,從「大型三角形」中上上落落做Swing Trade都還可以,但中移於3月出現「V彈」後再見下行,至今「下降通道」唔拉線都見到,不過股價近日於48元Something附近有支持。換個週線圖就會見到Slow STC(14,3)兩線陷入嚴重超賣等觸底嘅走勢,一旦成事,中移重上50元亦非難事。

    要等週線圖Slow STC(14,3)都應該蚊瞓,用返日線圖,依家1點23分,中移高位曾經上破過10天線,但現價見再次失守,Slow STC(14,3)一早轉向無訊號可言。咁樣啦,如果收得穩係10天線之上,中移牛(54741),收回價46元,同現價有逾6%,本來相揀近啲,即5%左右架,但好鬼重街貨,反映都有資金好似睇迪迪尼城堡爆煙花咁,一早就搵定個靚位企喺度等開場;但我話你知咁樣係無用架,因為到真正開始時,就會有好多小朋友被騎膊馬去睇表演,你一係企後啲,拉闊個角度,但就遠咗,睇得無咁清晰;一係就企前過個小朋友(同佢隻「馬」),唔會被擋到視線,實睇到嘅,但個頭就檯到好高,好似睇戲坐第一行咁接近90度,連個頭都比埋你咁(Mirror另計,係咪)。其實,咪同揀牛熊證一樣,都係有辣有唔辣。

    稍後時間需要到醫院一趟抽血,事關甲亢尚未好番,我唯有仍須努力;啲Inbox、PM今晚見字先再覆,請見諒。

    作者阿珊,任財經/投資版傳媒人十幾年,《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證,唔貪心,志在搵餐下午茶。

    想入作戰室?Click呢度就得:https://www.patreon.com/cbbcwar

    FB:https://bit.ly/3uixP4Y

    想睇更多財經消息