我的股票

    名稱 現價 升跌

    資料報價延遲十五分鐘

    【財經TOP SEARCH】國泰股價「飛唔飛得起」睇通關

    【原材料業】 2022/06/23 13:57

    【Now財經台】截至早上11時止,1小時內《彭博》用戶關注度上升最多港股,依次為國泰航空(00293)、世茂服務(00873)、洛陽鉬業(03993)、碧桂園(02007)及富力地產(02777)。

    國泰股價今日反覆造好,近日都企喺100天線樓上,市場一直期望通關、恢復航線,今日候任特首李家超喺訪問中提及,考慮容許抵港人士居家隔離,或縮短隔離酒店嘅檢疫日數,但都會係內地行先,或者做免檢疫通關。市場擔心係咪內地優先通關,國際通關仍要再等?

    椽盛資本投資總監曾永堅指,通關消息一定對國泰股價帶來正面反應,但如果內地先通關,對國泰嘅利好及市場期望,應不及國際通關嘅影響大及直接,所以股價反應都冇咁大。

    Jaseper又話,就算內地通關先,市場都會有進一步嘅期望,因為內地針對疫情嘅清零標準、要求,可以話係全世界最高,因此,通關先後次序對國泰股價長線表現唔會造成太大落差。佢又話,依家國泰股價仲喺上升通道內上落,相信通關消息會對國泰股價有支持。

    想睇更多財經消息