【股市脈搏】呢隻B仔股沽定溝考起散戶

【Now財經台】醫藥股繼續弱勢，其中B仔股康方生物(09926)股價今日平開後，臨近半日收市突然有大手沽盤，股價上午跌近9% 午後成交增加下，股價再跌多浸，最多瀉10%，低見20.8元，收市跌9%，報21.15元。

康方上市時曾炒到上最高近70元 ，但隨著市場殺高估值 ，加上進軍海外計劃或有阻滯，股價由高位計大幅回落70%，公司上年11月出通告公布有意回購，但一直都未做，今日股價再大成交下瀉，RSI落到有史以嚟最超賣，或者之後股價可隨著大市氣氛好轉而有，出現技術性反彈，但股價仍然未，潛水，距離招股價16.18元，仲有28%，北水要等到初七先回歸，到時究竟再沽貨定要溝貨都係未知之數。