【財經TOP SEARCH】摩笛睇友邦內地發展「吹大咗」？

【Now財經台】截至早上11點，1小時內《彭博》用戶關注度上升最多港股，依次為友邦保險(01299)、龍湖集團(00960)、國藥控股(01099)、騰訊控股(00700)及創科實業(00669)。

摩根士丹利上調友邦目標價46%，由89元調高至130元，主要券商中最「牛」。友邦中午收市升逾5%，報98.35元，暫時係表現第二好藍籌。

大摩話，睇好友邦內地業務嘅發展潛力，估計2030年時業務覆蓋城市將增至100個，較現時30個多超過3倍。不過，英皇證券銷售部副總裁林建華就唔係咁樂觀。

Anthony認為，內地雖然逐步開放市場，但唔能夠排除當局放寬後，內地人一窩蜂借買保險「走資」到國外，到時可能又有政策風險，友邦擴張業務時，就未必可以太進取。