【Now財經台】聯儲局開始嗌「收水」，市場似乎未驚過，美股仲不斷有得升。另外，阿富汗事件對金融市場好似都冇乜影響，事實上後市係咪真係咁樂觀？危機係咪醖釀緊？
馬山資本董事總經理林子傑話，大事發生時，金融市場需要時間反應。佢又話，美金係全世界公認最重要嘅貨幣，阿富汗事件一定影響到美國軍事實力，繼而動搖美元地位。
林子傑相信中美關係都會有所影響，阿富汗被美國制裁太耐，好難用正常方法發展經濟，依家需要金錢同技術，而阿富汗又處於「一帶一路」沿線重要區域，如果可以用非軍事設商關係結盟中國，世界可能會對中國加分。
