【Now財經台】大陸航空科技控股(00232)股價今日(8日)一度暴升近1.3倍，高見0.45元，集團擬悉售業務及派特別息最多44.33仙，交易完成後，集團將唔再持有任何業務，因此，建議撤銷上市地位，如果冇貨現在買入有冇著數？
《香港股票財技密碼》作者梁杰文指出，若方案喺股東會通過，公司就會出售業務及派息，而公司悉售業務後就會進入除牌階段，但唔代表係一個終結，因為派息及還債後，集團計劃向主要股東中航科創(香港)出售旗下物業，所得款項將以現金股息形式派畀小股東。
Mike提醒，根據以往經驗，一家上市公司要徹底清盤，估計需時3至6年，就算將剩餘現金派畀小股東，都要5至6年後才收到，所以呢個係咪一個咁大嘅買入誘因，投資者就要小心衡量。
