【Now財經台】高盛出咗份有關「雙11」銷售嘅報告，指阿里巴巴(09988)退款前總商品交易額(GMV)表現穩定，增長約10%，表現同「618購物節」差唔多，但明顯低過去年嘅27%，主要作整體折扣大咗，GMV增長放慢係預期之內？阿里下周二(25日)就會出業績，績前應該點部署？
天風國際證券經紀業務部董事李偉傑指，阿里「雙11」GMV跌都預咗，雖然活動時間愈來愈長，但消費者熱情降溫，令銷售表現不及以往。
Jason又指，阿里下周公布嘅業績，要留意雲業務收入及人工智能(AI)相關貢獻，同埋淘寶及天貓競爭壓力會唔會消退。股價方面，李偉傑估計，阿里股價依家喺150至155元有一定防守性，而放榜前有機會升至介乎163至165元水平，如果股價真係升上呢個位，可以考慮喺業績前趁高減磅。
