【Now財經台】據外媒最新引述白宮備忘錄指，阿里巴巴(09988)向中國軍方提供技術支持，但遭阿里否認。集團「千問」APP今日(17日)上線公測，正式進軍「AI to C」市場。阿里股價今朝(17日)反覆向下，一度低見152.1元，跌1.8%，以上兩個因素會唔會影響好友部署？
法興銀行證券上市產品銷售部董事周翰宏認為，由於阿里嘅人工智能(AI)發展成功吸引投資者，增加對公司嘅信心，加上股價已落到之前裂口上升嘅平台位置，即150元至155元嘅關鍵支持位，所以有較多好友部署博反彈。
Horace建議，投資者揀CALL博反彈，以應對短期內股價波動，佢又提醒，進取嘅投資者可以揀敏感度唔高、行使價180元以上嘅條款，而較保守嘅投資者可以考慮行使價180元或以下，明年3、4月到期，實際槓桿做到5至6倍嘅條款。
