【Now財經台】小米集團(01810)將於下周二(18日)派第3季成績表，市場已打定輸數，因為毛利率壓力仍然大，但業務前景指引，包括晶片及機械人研發進展，呢個會唔會成為股價催化劑？
紅蟻資本投資總監李澤銘指，呢個要視乎市場對公司前景指引嘅接受程度，喺正常情況下，市場較關注首次出現嘅消息，但當相同嘅消息愈來愈多，市場嘅興奮程度就會減弱，值得留意係，小米唔係第1間講晶片或機械人嘅公司，不論係機械人概念、人工智能(AI)及智能駕駛等消息，都已經喺市場出現過，如果小米披露研發進度，會對股價有幫助，但效用唔會不大。
Alan續指，其實市場更關注小米實際營運狀況，集團係內地領先嘅手機企業，隨著AI發展，令部分零部件尤其是電腦記憶體(RAM)成本上升，但小米唔可以轉嫁畀消費者，所以市場會比較擔心小米手機業務毛利率。
