【Now財經台】飲品相關嘅內需股今日(12日)強勢，其中，農夫山泉(09638)股價創52周新高，集團周一(10日)又推兩款新咖啡產品，每支定價5元人仔，依家內地現製咖啡市場呈「內捲」趨勢，由9.9元人仔去到近期4元人仔1杯都有，再加埋外賣平台優惠劵，咖啡市場比想像中更難做，點睇咖啡市場發展前景？
南華金融集團副總裁莫灝楠認為，整體嚟講唔係太負面，從投資者角度睇，只要公司keep到毛利率就冇問題，農夫山泉毛利率長期介乎58%至59%，利潤偏高，公司整體表現仍維持上升趨勢，所以影響唔大。
佢又話，其實飲品市場都偏向平穩，因此，就算所有品牌都減價，仍可維持到一個較穩定嘅毛利，雖然增長慢，但至少成熟。
