【Now財經台】騰訊控股(00700)明日(13日)會派第3季成績表，股價今日(12日)向好，一度高見658.5元，升1.3%，活躍嘅CALL行使價喺800元樓上，明年1至3月到期，槓桿逾10倍，不過，牛證收回價約600元，槓桿9至11倍，相比之下，CALL係咪更值博？
法巴上市衍生產品部銷售及市場推廣主管李梓維指，若投資者認為10倍槓桿已經足夠，揀CALL會較易操作，因為唔使承受收回風險之餘，亦唔使擔心要換馬等問題。
Alvin續指，現時市場上較歡迎嘅條款，行使價約900元，明年3至4月到期，槓桿約10倍，若投資者揀牛證，安全距離擺到600元，但未必有10倍槓桿，所以CALL更值博。
