【Now財經台】比特幣(Bitcoin)概念股博雅互動(00434)股價今日(26日)平開後，隨即向下，一度跌逾4%，見咗全日低位7.53元，午後走勢好轉，收市報8元，升1.5%，全日成交金額逾6700萬元。
集團昨日(25日)公布，過去3周合共購入約290個Bitcoin，現時合共持有約3670個，市值約31億元。
此外，博雅獲納入MSCI全球小型股指數，但對股價刺激作用唔大，股價喺7月及8月曾因為Bitcoin價格升上12萬美元而跟升，但兩次都係去到9元水平遇阻，並出現雙頂形態，其後股價反覆回落，要留意今次守唔守到7.1元呢個7月初裂口底。
