【股市脈搏】珍酒李渡發盈警照爆升14%

【Now財經台】珍酒李渡(06979)股價今早(12日)一度大升14%，高見8.38元，其後升幅收窄，成交股數較過去100日平均多10倍，暫時成交金額約3.5億元。

集團上周發盈警，預告中期收入按年跌約40%，但同去年下半年比較已經喘定，公司亦提出具體方案應對白酒需求下降，珍酒李渡股價喺盈警後仍反覆向上，集團將會喺下周五(22日)派成績表。

集團股價暫時已連升兩日，但喺8.5元水平遇阻，成交亦幾大，要留意短線有冇動力突破阻力，若成功突破，下一站可挑戰前頂，即10.5元水平。