【now.com財經】涉資逾萬億人仔嘅西藏大型水電工程喺上周六(19日)正式開工，刺激基建相關股今日(21日)喪炒，當中包括東方電氣(01072)，股價今朝大幅高開近15%後，升幅瞬間擴大至逾7倍，高見119.9元，之後急速回落，收市報24.65元，勁升逾65%，全日成交股數逾3.8億股，成交金額逾100億元。
睇返交易紀錄，今早約9點30分有1宗以119.9元，涉及400股嘅成交，呢宗「高價成交」前一宗成交價係20元，之後一宗就係20.85元，會唔會交易員原本想以「19.9元」買入？相信只有佢先知。
