【Now財經台】領航醫藥生物科技(00399)股價今早(17日)低開5%，其後最多跌近13%，低見0.34元，收市報0.37元，跌5%，成交股數較過去100日平均增11倍，成交金額逾2300萬元。
領航醫藥生物科技變過幾次身，前身係聯合基因，研發口服胰島素產品零收入，但乜嘢收入都冇，睇返公司5月底嘅配股通告，連續兩日宣布配股，兩個「抽水」行動嘅配股價都係0.17元，較前收市價折讓17%，但兩個月後，配股價已上到0.3元水平，相差近80%，估計投資者願意冒險，關鍵可能又係同轉型有關，公司6月底公布，計劃收購區塊鏈業務，但未有作價，今月初計劃改名「星太鏈」，刺激股價一度狂飆2.5倍，到底今次改名、轉型最終會唔會又唔成事，只能繼續觀望事態發展。
