【Now財經台】中國罕王(03788)上周五(4日)公布分拆消息後，股價及成交連續兩個交易日出現異動，今早(8日)高開逾3%，升幅好快擴大至11%，高見2.82元，升上逾9年高位，但其後升幅收窄，收市報2.65元，升4.3%，成交股數較過去100日平均增逾3倍，成交金額逾3800萬元。
集團上周五建議以介紹形式分拆罕王黃金喺主板上市，將會向合資格嘅罕王股東，以實物分派形式分派罕王黃金股份，暫時未有分配比例詳情，但值得留意係，由於今次分拆以介紹形式進行，喺分拆前要再做融資。
股價方面，今日即市高位正正係9年前斬倉式暴瀉前水平，罕王上月中披露，當年大股東押股貸款，而原貸款就快到期，最新又再押股，雖然大股東已經換咗人，但所做嘅事同當年差唔多，所以今次分拆是好是壞都係未知之數。
