【now.com財經】噚日揀咗隻吉利(00175)熊(63942)出嚟，大約一小時快閃平均食咗17.39%，之後成個下半場同恒指一齊悶。
今日Happy Friday都預咗指數吽住過，開市升170點之後，比咗個機會作戰室趁高出淡倉博低走。借埋小時圖頂線大約221XX水平出嚟做上方量度線，先偷一轉淡倉先。
依家10點5分，作戰室淡倉完成之後，見五分鐘圖嘅10線未踩已上，反手好倉都掟出埋；同步亦見小時圖嘅10線都係未踩住嘅，但呢期市行得比較慢，有戰友換成3分鐘，甚至1分鐘圖嚟捉格仔。嘿~ 1分鐘圖嘅話我打完句嘢出去作戰室都已經完咗啦！
望望鐘依家10點25分，小時圖Slow STC(14.3)兩線策上，而下方10線有喺度接緊，借住噚日高位22,138拉出頂線嘅話，截至依家為止今日指數高位做過22,137點。
恒指牛(66359)，收回價21398點，同現價有約680點距離，槓桿有約28.7倍，五分鐘圖見指數依家Keep住喺10線同保歷加頂線之間運行，借10線企好出，博過小時圖嗰條頂線，再順得到個Slow STC(14.3)上嘅話，咁就好啦！
作者阿珊，以技術分析專心玩輪證，唔貪心，努力賺取我家肥貓罐罐。
直接去Patreon七日免費試用即市作戰教室://www.patreon.com/join/cbbcwar
資訊只適用於合資格的香港投資者。結構性產品由瑞銀發行，瑞銀證券為流通量提供者，可能是唯一報價者或巿場參與者。結構性產品價格可急升或急跌，投資者可能會蒙受全盤損失。過往表現並不反映將來表現。投資前應瞭解有關風險，並諮詢專業顧問及查閱有關上市文件。
