【now.com財經】鮑爺好耶！開句聲就將啲金再推高多一把，上到每盎斯3,300美元樓上，搞到我依家好後悔上個星期尾咁快掉走隻S金Call(27843)，見到今日隻SPDR金ETF(02840)上到2,400元，那怕佢高開低走，呢口價比上個星期出隻(27843)多咗差唔多成舊水！
港女仲叻！隔離街美佬跌成七舊，今朝升9點開市之後玩咗一陣燈掣就係咁上。坦白講作戰室今朝開市前都Plan定淡倉準備架啦，但開市後見佢五分鐘圖守住中軸上，集體變陣好倉出去作今日第一注。10點未到格仔已爬。
仲有3分鐘先至10點，依家見嘅小時圖，已經見到指數上返10線，同時挑戰緊條20線，而恒指21,300點有上到過，暫時高位見21,317點，同喺五分鐘圖上見到4月16日開市裂口底部21,363點差唔多，又嚟到一個要等嘅關鍵位。
依家10點7分，指數喺小時圖上見暫時仲未過到20線，不過SLow STC(14.3)兩線仍然保塒向上，同時亦有好近嘅10線喺下面托住指數，呢個「小圓底」仲撚緊條頸線，就由得佢撚下先。
再向個股方向出發的話，真心除咗隻(02840)之外都無乜其他嘢吸 引...不過(02840)實在彈太高，當市場風險胃納縮少，指數升返之後，咁啲錢就會由(02840)瘋狂流出，佢就會未必吸引。所以依家暱入去(02840)，說實話避難多過乜。
望望月曆，明日起一連四日復活節假期，作戰室都有戰友已經離港外遊，所以玩今日Day Trade OK，但如果決定過夜嘅話，咁你就飄過四日，至下週二(4月22日)先至再開返市。
S金Call(13435)，行使價2429元，因為依家S金啲行使價，由價內嘅2351元一下子就跳到上2428元，爭1蚊都唔係爭好遠，槓桿有約6.57倍但睇中嘅係引伸偏低同低街貨。
五分鐘圖有見(2840)依家借住條10線，而保歷加通道整條向上行，真係只係Lock住10線同保歷加頂線咁樣嚟Swing Trade硬追，如果到你睇完文之後發現條10線已經失守咗嘅話，咁你就繼續執行李準備放假啦！
作者阿珊，以技術分析專心玩輪證，唔貪心，努力賺取我家肥貓罐罐。
直接去Patreon七日免費試用即市作戰教室：https://www.patreon.com/join/cbbcwar
