【now.com財經】噚日Pick pair牛熊出嚟諗住炒區間位，誰不知借五分鐘圖Slow STC(14.3)兜高上到超買，先執34.78%入賬後，喺成個下晝行出「上升通道」向上運行至臨收市前頂住20200點樓上收。今朝返嚟喺作戰室同戰友睇個牛熊證街貨圖見到牛證啲街貨多到呢...唔計今日新上市，最貼價嗰隻恒指牛嘅街貨量高達99.89%，真心，條街大把好倉，但真係唔好揀啲咁高街貨嘅證，不論是人踩人還是佢增發，你都係無著數。
Maybe特朗普暫緩向加拿大&墨西哥徵收關稅，所以今日指數大裂口升271點，報20,488點開市，啱啦，見牛熊證街貨圖坐住咁多過夜近牛，開市之後應該都會有一堆獲利盤率先湧出嚟，Day Trader又可以趁亂執格仔啦。
依家9點49分，作戰室都已經有戰友執咗好倉正數返嚟，但由於指數喺20,500至20,550呢50點位出咗區間，所以暫時都未見咬大肉；anyway，我哋目標只係正數啫。
睇個五分鐘圖見指數暫時定住喺高位等10線上嚟借力咁款，怕且等得到嚟條保歷加通道已經由拓闊變成整條向上；如是者Slow STC(14.3)同指數就有機會行Swing...
10點未到指數忽然再高走，真係本來保歷加底線都向上開始變返平衡嘅通道出嚟架啦，這一爆再睇埋個牛熊證街貨圖，叫做稍為多少少貨嘅得返20,600至20,699點。
偷博指數向上再殺埋呢層熊證唔係繫題，問題係在於仲有無條件咁做啫。10點後見小時圖保歷加通道口仍然拓闊，Slow STC(14.3)兩線到超買位，有條件見超買再超買嘅。
安全嘅梗係想你等返指數回落返去10線先至出隻好倉，不過依家 10點5分指數keep住向上撲，恒指牛(68683)，收回價20,259點，目前為市場上最貼價牛證之中最活躍，槓桿有約51.3倍爬格仔都夠做。
其實我有少少想執定隻淡倉，我好怕出到文再到你睇完之後，指數已經食飽飽，重得滯地心吸力chur佢返落嚟，咁隻(68683)又變咗無用架啦...唉...
不過有作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
