我的股票

    名稱 現價 升跌

    資料報價延遲十五分鐘

    【專家分析】聶Sir:睇好內地電商今年春節表現

    【分析】 2025/01/20 16:38

    【Now財經台】距離農曆大年初一只有個幾星期,內地新春消費情緒升溫,各大電商平台陸續推出優惠及送禮功能,加上「以舊換新」加碼,針對更多產品提供補貼或加大補貼力度,希望趁農曆新年全面力谷消費,2025年嘅春節電商表現有冇機會超越2024年?

    博威環球證券金融首席分析師聶振邦指,去年內地經濟發展尚算平穩,喺內地居民受惠於財富效應下,相信更願意喺農曆新年呢個大節日,使更多錢購物、送禮,加上個別電商平台新增送禮功能,為消費者帶嚟新鮮感,都會對銷售有一定幫助,相信今個農曆新年整體電商消費行情,將會比去年同期更旺。

    聶Sir又特別提及騰訊控股(00700),集團近排受「黑名單」事件困擾,加上主業唔係做電商平台,雖然微信用戶數量龐大,但隨著其他電商推相關功能,騰訊或多或少都會流失部分用戶,但近期股價表現只係反映返消息面,若內地居民消費力提升,帶動到遊戲增值業務,騰訊股價未來仍有機會跑贏其他電商股。

    聶振邦
    博威環球資產管理金融首席分析師
    想睇更多財經消息

    相關股票

    編號名稱
    00700騰訊控股