【Now財經台】內險股近期陸續公布2024年保費收入，據摩根大通初步統計顯示，去年人壽保險保費收入增長約4.7%至7.6%，但隨著內地息口向下，估計內險保證利率將會下跌，繼而拖累保費收入放緩，中國平安(02318)增持內銀股係咪合理？若內地保險利率愈來愈低，會唔會吸引更多內地客來港投保？
天風國際證券經紀業務部董事李偉傑指，喺低利率壓力下，平保增持高息又穩定嘅內銀股係合理部署，有消息指，內地將於2025年第2季下調人身保險預定利率，但相信預定利率會跟住中國10年期國債收益率變化，內地近日都有唔同動作，包括人民銀行近日暫停購買國債，希望可以令10年期國債收益率回升。
Jason又指，內地保險利率低有機會利好本港保險業，客戶可能希望尋求更高回報而喺其他地方投保，以友邦保險(01299)為例，雖然股價同內險股一齊跌，但股價反彈力度更強。
