【Now財經台】騰訊控股(00700)回應減持微盟集團(02013)、優必選(09880)套現逾16億元,指資金會用於股東回報或新投資,騰訊股價今日(13日)早段受壓,一度低見364.8元,跌逾1.2%,跌至5個月低位,騰訊股價近期一直喺低位徘徊,多唔多資金撈底博反彈?騰訊有唔少產品選擇,邊啲條款較受歡迎?
滙豐亞太區財富管理香港上市產品銷售經理盧貴良指,騰訊股價早前因美國政策消息而大跌,留低380元至400元嘅裂口,市場上有唔少資金部署騰訊好倉博反彈,上周好倉繼續係最多資金流入個股,投資者都係揀部署可以補回裂口及較保守嘅條款,例如行使價410元嘅CALL,價外10%,2025年8月到期,實際槓桿6倍,牛證方面,投資者主要睇350元心理關口博反彈,主要揀行使價345元,實際槓桿13倍。