【Now財經台】中國移動(00941)股價已連升3日，今朝(19日)低開後，曾短暫倒升，升上逾2個月高位，其後再度向下，市場上熱門CALL到期日都幾分化，偏短身仲有59日到期，價外6%，槓桿13倍，偏長身嘅就明年12月到期，價外約30%，槓桿9倍，投資者應該短炒定揸長啲？
星展香港環球金融市場上市產品主管周國威指，如果短線冇消息推高股價，中移動呢類股份時間值損耗會好快，因此，未必適合揀太短身嘅CALL，佢建議投資者可以順勢揀年期長啲嘅條款，明年首季尾或第2季先到期嘅CALL會比較合適，即使略為價外都唔緊要，中移動勝在引伸波幅較平，其中1款中移動CALL，明年6月尾到期，但槓桿做到約9倍，相比其他窩輪已算高。
