【Now財經台】內地集運指數(歐洲航線)主力合約今日(11日)急挫10%,但今年以來仍累升逾3倍,出現調整都係合理,不過,市場睇得比較多嘅上海出口集裝箱運價指數(SCFI)每周結算,仍未知最新情況,到底運費未來會點走?運價見頂未?
信達國際研究部董事趙晞文指,運費走勢始終係圍繞地緣政局,除咗中東局勢,前幾年嘅烏局勢及供應鏈呢啲因素,都會令航運業運費大幅波動,每當市場上出現「停火協議」嘅消息,不論係集裝箱運價指數、航運指數,還是航運股,都會出現回套。
佢又話,依家市場對運費嘅投機興趣較大,部分歐美市場會因應運費及運線情況,選擇提早交貨,導致運費升勢加劇。