【now.com財經】噚日揀咗隻恒指牛(60082)出嚟，平均買入價為0.0245元。喺出【輪證下半Part】已經到指數喺五分鐘圖唔過中軸再向下，安全起見，(60082)走先。
以噚日喺Patreon出【輪證下半Part】時間1點42分，如常用10分鐘作睇文時間的話，則於1點52分睇多次個五分鐘圖，確認指數過唔到中軸，(60082)亦應離場。
如同平時一樣以10分鐘走貨的話，(60082)期內高低位做過0.026元/0.023元，平均走貨價為0.0245元，雖然無輸無贏，但再一次證明咗止蝕同嚴守策略嘅重要性。
「如果噚日隻(60082)過夜嘅話，咁就唔止打和咁簡單啦！」啱呀，但前題係你要知道今日個市係點，咁你先至可以有信心地將佢過夜嘛。恒指今朝開市升15X點之後，至依家9點44分，指數升幅一度擴大至升276點，暫時高位剛好見17,800點，然後長長嘅上影線出現，作戰室即時棄好轉淡。
10點未到，但都想睇咗個小時圖先，咁啱見到佢出「墓碑十字星」，同步亦見指數剛好掂到保歷加頂線，怪不得暫時指數退返落去18,600點呢個位。
終於等到10點打後，見小時圖無咗粒「墓碑十字星」，不過上影線掂住保歷加頂線唔過亦唔開胃。再睇返五分鐘圖，一早畫定嘅量度線都無埋，作戰室繼績淡落去。
恒指熊(59945)，收回價18,950點，同現價有約370點距離，槓桿約35.7倍。
留意目前小時圖保歷加通道口收窄中，同步指數亦踩住堆平均線，安全嘅等保歷加通道口拓闊返+穿得到堆線嘅，先至再出手啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室七日免費體驗：https://www.patreon.com/join/cbbcwar
