【now.com財經】數數恒指日線圖，由5月20日高位19,706點開始向下至5月31日低位18,077點，用咗九嗰交日易累跌最多1,629點後，呢三日(計埋啱啱開市口價)，指數出現三連升嘅情況。呢個走勢似乎都似初步確認到指數大漲小回嘅小回已經完成。
今朝指數開市變化唔係好大，講緊都只係45點，作戰室如常的喺未到9點半之前已經度定第一注點玩，好倉全世界standby之後，蒲開市衝出去，到依家只係9點46分，已經有戰友報喜(包括新加入一個星期都唔知有無嘅成員)。再望望恒指，升幅已經擴大到升245點，做緊18,689點；淨係打個指數嘅number呢五個數字，呢頭打完嗰頭，嗰頭都已經唔同咗樣...剎那間，18,700點上到，第一層熊證18,600至18,699點全數被收回，呢度有相當於532張期指街貨。
換個小時圖，指數今朝唔單止過咗喺開市前同戰友度定嘅50線位置，高位18,705點仲稍稍過咗150線(約18697點)水平。
等到10點，指數高衝過後終於喺18,650點附近抖氣，五分鐘圖上見保歷加通道口仍然拓闊，Slow STC(14.3)仍然有條件出超買再超買，只不過係10線未到，而指數喺高位見過18,705點之後，暫時於18,650至18,700點之間度上落。
蓋指數重新爬返上熊證街貨層，恒指牛(60082)，收回價18,288點，同現價有約378點距離，槓桿約46.7倍雖然唔係最高，但勝在低街貨。
不過作戰室都準備好倉散場，Slow STC(14.3)兩線亦已見超買位，咁啦，如果你睇完之後再望返個市，見五分鐘圖整條保歷加通道上行的話，即指數行Swing Trade嘅機會增加，如是者，試下指數用唔用到10/20線企好再上；都唔得嘅，咁隻(60082)等Slow STC(14.3)出Swing trade啦。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰室七日免費體驗：https://www.patreon.com/join/cbbcwar
