【FINTERVIEW】港股「六絕月」要睇...(上)

【Now財經台】港股應驗咗「五窮咒」，3大指數上月累跌7%至8%，表現係全球主要指數中最差，今日係「六絕月」開局第2日，恒生指數大舉反撲，一度升逾600點，港股5月跌咗咁多，6月係咪有條件反彈？不過，暫時似乎睇唔到有咩利好消息。

瑞銀財富管理投資總監辦公室大中華區股票主管李智穎指，業績期已經過咗，下輪業績期係8月打後，市場6月焦點應該落喺政策及數據上，近半個月內地經濟數據唔太理想及分化，依家市場關注經濟復甦係咪可以持續，而中央會唔會因應情況推出刺激經濟措施，都會影響港股6月嘅表現。