【now.com財經】今朝揀咗隻恒指牛(57925),計劃等返指數回落到50分鐘線(五分鐘圖10線)或保歷加中軸先至出手,或者用返Slow STC(14,3)做Swing Trade一趟就算。以今朝Patreon出文時間為10點12分,如常的 on top 比10分鐘作為睇文時間,即10點22分再睇返指數,見到當時恒指已經炒高於條50分鐘線,等到10點50分指數同50分鐘線挨近時,已經二話不說地向下穿過,一直等到11點35分,莫講話要上返條50分鐘線,就連保歷加中軸都失埋。同步見到Slow STC(14,3)兩線向下運行中,咁就唯有等條Slow STC(14,3)出觸底啦。
終於去到11點50分,見到Slow STC(14,3)兩線都落到20以下嘅超賣水平,剛好完場前10分鐘,就用呢10分鐘偷位入隻(57925),以期內高低位做過0.059元/0.058元計,平均買入價為0.0585元。
落場後即刻放飯。飯後返嚟見到指數其實都有好似步噚日後塵咁,喺窄窄嘅保歷加通道裡面運行緊,點數變幅唔大,依家1點42分,恒指升緊228點,報19,927點。不過Slow STC(14,3)確實係由Lunch time時嘅超賣位到依家回升至接近超買位,仍然嚴重守略,Slow STC(14,3)上到超買位就閃隻(57925)(其實依家已經開始到超買啦)。
作者阿珊,任財經/投資版傳媒人十幾年,《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證,唔貪心,志在搵餐下午茶。